小男人週記3之吾家有喜 (The Yuppie Fantasia 3)
導演：鄭丹瑞
主演：鄭丹瑞、周秀娜、鄧月平、蔡翰億、談善言、陳友、張繼聰
香港上映日期：2017年1月26日
預告：https://youtu.be/MNyvoQ5X5_Q
簡介：52歲的梁寬，自覺他前半生的人生經歷了三個巨浪，
一，當阿Ann令他由男仔變成男人的那天，
二，幾年後他娶了阿Ann，自此變成一個老婆奴的那天，
三，阿Ann認為他沒出息，帶走8歲女兒，母女從此人間蒸發的那天。
經歷過人生的三個巨浪，梁寬化悲傷為力量，由一個我見猶憐的小男人，蛻變成為一個人見人怕的大男人。今天，他已經是上市公司主席……身邊的大紅人， 他學嘵用無所不用其極的手段去賺錢，他擁有的財產，已足以讓他一生無憂， 而梁寬的最大遺憾是…阿Ann看不到他的「長進」。可是自從梁寬發達之後，他很怕照鏡，沒有原因地，他害怕面對鏡中的自己。
喜喜回歸，對梁寬來說是人生另一個巨浪，他不懂怎樣做一個18歲、卜卜脆，兼擁有33D上圍的女兒的爸爸，畢竟在梁寬的記憶之中，喜喜只得八歲，而喜喜的回歸，亦悄悄改變著梁寬，他終於能再次面對鏡中的自己，因喜喜令他有勇氣去再年輕，再任性一次。
1.中產電影喺80年代後期崛起，『小男人週記』都算其中嘅代表作。電影充滿男士們心聲同滿足佢地嘅幻想，亦有順帶提及女性喺職場嘅困難。
事隔多年梁寬又返嚟，佢由炒自己朋友都驚到死，變成一個職場上毫無尊嚴嘅賤人，不過骨子裏仍然係嗰個怕事嘅小男人。重遇親生女令佢呢種「小男人」基因浦頭－阿女同條女爭拗時會龜縮。
2. 旦哥最後放下對Do姐嘅牽掛，以Raidas嘅「傾心」再穿插頭兩集嘅片段，重溫當年梁寬同阿Ann呢對冤家嘅點滴，的確會感動流淚。
可惜呢段就唔夾第一集所講嘅背景：1989年佢地已經結咗婚七年，但Raidas嘅「傾心」係1987作品，所以唔存在「第一次見你時唱嗰首歌係送畀你」，根本當時首歌都未出！
3. 『小男人週記3』 最大阻力係Do姐鄭裕玲拒絕演出，電影少咗個靈魂人物變相令到整套戲唔完美。雖然製作方買返頭兩集嘅footage嚟整Do姐嘅「CG鬼」，但最大問題係對白。
主要對白都係重用返頭兩集嘅對白，但部份對白真係未能涉獵到，竟然搵個唔太神似Do姐把聲嘅人配音，睇睇吓我自己都出咗戲。雖然骨幹演員唔演出，呢個已經係折衷嘅辦法，亦明白製作方用心去做呢件事，但如果力求完美我情願唔拍呢集囉。
4. 「騰龍盛世加租迫走街市商戶，商戶為咗搵食而變做小販，但公司竟然搵黑社會扮管理員打走小販⋯⋯」令人聯想起上年新年良景邨事件。電影並唔似曾志偉賀歲片系列咁有完美解決方法－奸商繼續無法無天，就同現實一模一樣。
5. Do姐戲內叫做Ann Hui許鞍華，但今集墓碑上面就偏偏「被改名」。唔知係怕真正嘅許鞍華嬲定係整錯道具，如果係後者就真係抵打。
6. 戲中部份對白係呼應返頭兩集內容：好似張繼聰同蝦頭想試北歐無火爐時，張繼聰話「有人講過男人喺北歐傢俬上面特別能幹 」，呢句喺出自第一集旦哥所講嘅對白，當時佢同Do姐係張餐枱上面「奀奀」完發現自己比之前更加持久。
而旦哥對鄧月平所講嘅「牛扒成熟論」就係呼應第二集旦哥Do姐同馮意清食飯時嘅對白。不過呢啲咁細微細眼嘅位，應該無咩人會留意到。
7. 張繼聰喺電影盡情展示佢嘅個人力量！毫無保留演繹無恥仆街擦鞋仔，每次出場都引起觀眾大笑。成套戲大半嘅笑位由佢一人撐住，抵佢成為近年港產片新寵。
8. 鄧月平把聲太虛，搞到佢做咩都似係同一個語調咁，如果會喺影壇發展就要學吓點運聲。而今次周秀娜嘅氣場出晒嚟，無論對住旦哥定係鄧月平，佢都可以食住對方嘅氣勢壓場。
9. 雖然旦哥本身話無預套戲上賀歲檔，但客串陣容都幾大：欣宜、Chilam、草蜢同葛民輝、仲有終極彩蛋（大家一見到就會諗起另一套旦哥作品）！不過只有一場戲嘅蝦頭莫名其妙當成電影主演，而嗰幕同張繼聰嘅互動非常夾！（電影公司將呢一段戲擺上Facebook做宣傳，唔諗住入場嘅朋友可以睇下）
導演：鄭丹瑞
主演：鄭丹瑞、周秀娜、鄧月平、蔡翰億、談善言、陳友、張繼聰
香港上映日期：2017年1月26日
預告：https://youtu.be/MNyvoQ5X5_Q
簡介：52歲的梁寬，自覺他前半生的人生經歷了三個巨浪，
一，當阿Ann令他由男仔變成男人的那天，
二，幾年後他娶了阿Ann，自此變成一個老婆奴的那天，
三，阿Ann認為他沒出息，帶走8歲女兒，母女從此人間蒸發的那天。
經歷過人生的三個巨浪，梁寬化悲傷為力量，由一個我見猶憐的小男人，蛻變成為一個人見人怕的大男人。今天，他已經是上市公司主席……身邊的大紅人， 他學嘵用無所不用其極的手段去賺錢，他擁有的財產，已足以讓他一生無憂， 而梁寬的最大遺憾是…阿Ann看不到他的「長進」。可是自從梁寬發達之後，他很怕照鏡，沒有原因地，他害怕面對鏡中的自己。
喜喜回歸，對梁寬來說是人生另一個巨浪，他不懂怎樣做一個18歲、卜卜脆，兼擁有33D上圍的女兒的爸爸，畢竟在梁寬的記憶之中，喜喜只得八歲，而喜喜的回歸，亦悄悄改變著梁寬，他終於能再次面對鏡中的自己，因喜喜令他有勇氣去再年輕，再任性一次。
1.中產電影喺80年代後期崛起，『小男人週記』都算其中嘅代表作。電影充滿男士們心聲同滿足佢地嘅幻想，亦有順帶提及女性喺職場嘅困難。
事隔多年梁寬又返嚟，佢由炒自己朋友都驚到死，變成一個職場上毫無尊嚴嘅賤人，不過骨子裏仍然係嗰個怕事嘅小男人。重遇親生女令佢呢種「小男人」基因浦頭－阿女同條女爭拗時會龜縮。
2. 旦哥最後放下對Do姐嘅牽掛，以Raidas嘅「傾心」再穿插頭兩集嘅片段，重溫當年梁寬同阿Ann呢對冤家嘅點滴，的確會感動流淚。
可惜呢段就唔夾第一集所講嘅背景：1989年佢地已經結咗婚七年，但Raidas嘅「傾心」係1987作品，所以唔存在「第一次見你時唱嗰首歌係送畀你」，根本當時首歌都未出！
3. 『小男人週記3』 最大阻力係Do姐鄭裕玲拒絕演出，電影少咗個靈魂人物變相令到整套戲唔完美。雖然製作方買返頭兩集嘅footage嚟整Do姐嘅「CG鬼」，但最大問題係對白。
主要對白都係重用返頭兩集嘅對白，但部份對白真係未能涉獵到，竟然搵個唔太神似Do姐把聲嘅人配音，睇睇吓我自己都出咗戲。雖然骨幹演員唔演出，呢個已經係折衷嘅辦法，亦明白製作方用心去做呢件事，但如果力求完美我情願唔拍呢集囉。
4. 「騰龍盛世加租迫走街市商戶，商戶為咗搵食而變做小販，但公司竟然搵黑社會扮管理員打走小販⋯⋯」令人聯想起上年新年良景邨事件。電影並唔似曾志偉賀歲片系列咁有完美解決方法－奸商繼續無法無天，就同現實一模一樣。
5. Do姐戲內叫做Ann Hui許鞍華，但今集墓碑上面就偏偏「被改名」。唔知係怕真正嘅許鞍華嬲定係整錯道具，如果係後者就真係抵打。
6. 戲中部份對白係呼應返頭兩集內容：好似張繼聰同蝦頭想試北歐無火爐時，張繼聰話「有人講過男人喺北歐傢俬上面特別能幹 」，呢句喺出自第一集旦哥所講嘅對白，當時佢同Do姐係張餐枱上面「奀奀」完發現自己比之前更加持久。
而旦哥對鄧月平所講嘅「牛扒成熟論」就係呼應第二集旦哥Do姐同馮意清食飯時嘅對白。不過呢啲咁細微細眼嘅位，應該無咩人會留意到。
7. 張繼聰喺電影盡情展示佢嘅個人力量！毫無保留演繹無恥仆街擦鞋仔，每次出場都引起觀眾大笑。成套戲大半嘅笑位由佢一人撐住，抵佢成為近年港產片新寵。
8. 鄧月平把聲太虛，搞到佢做咩都似係同一個語調咁，如果會喺影壇發展就要學吓點運聲。而今次周秀娜嘅氣場出晒嚟，無論對住旦哥定係鄧月平，佢都可以食住對方嘅氣勢壓場。
9. 雖然旦哥本身話無預套戲上賀歲檔，但客串陣容都幾大：欣宜、Chilam、草蜢同葛民輝、仲有終極彩蛋（大家一見到就會諗起另一套旦哥作品）！不過只有一場戲嘅蝦頭莫名其妙當成電影主演，而嗰幕同張繼聰嘅互動非常夾！（電影公司將呢一段戲擺上Facebook做宣傳，唔諗住入場嘅朋友可以睇下）
0 comments:
發佈留言