神奇四俠 - 銀魔現身

整體感覺不錯，但係你話好好睇又唔係，片長 92 分鐘，唔需要帶個腦入場，只係希望見到動作場，對我呢類低智商的人來講好合口味。今次片中有不少使人會心微笑的位置，我一一受落。

動作場面方面，一般啦，在預告片都睇得七七八八呢，最主要都係最尾那一段囉，他日都應該會係影音試機位置呢。

當銀魔第一次在神奇四俠面前出現時，在預告片內，噴火仔講左句大約係 : 我套禮服剛剛買架炸~~~但我在看這一句時，對白給更換了，而呢一句對白，又唔知點解係無中文字幕架播，
加上他又講得快，我聽不到他講什麼，如果你們入場的話，幫我聽聽丫。

今集的特技做得唔錯，幾場破壞都市的場面都做得幾好，英國的泰唔士河和魔天輪的災難都做得好好，在大畫面上看會吸引好多。尾場就好比面啦，安排在我們中國的上海作為背景。

今集的主角銀魔做型，相信大家都唔會有什麼新鮮感喇，T2內大家都熟到不得了呢，所以我唔覺得好吸引，片中的表現都係一般，無突出的表現。全套戲我都滿意，絕不介意看多一次，就是我今次對這電影的評價了。

轉自 : avbuzz.com